Ei gruppe som legg ut bilete held seg som regel innanfor grensa i fleire år. Blir lagringa for lita, kan de betale for meir plass, og prisen er den same uansett kor mange de er.

Gratis

Dette er ein fast plan, ikkje ein prøveperiode. Han går ikkje ut, og vi ber ikkje om kort.

500 MB lagring for bilete og video til saman.
Video på inntil 3 minutt per opptak, i 720p.
Bilete blir lagra i inntil 1600 pikslar på lengste side.
Alt anna er med: uavgrensa tal på medlemmer, innlegg, arrangement og kommentarar.

Betalt

1500 kr i året per gruppe, inkludert mva. Det er den same prisen anten de er tolv eller to hundre.

50 GB lagring, altså 100 gonger så mykje.
Video på inntil 6 minutt per opptak, i 1080p.
Bilete blir lagra i inntil 2560 pikslar på lengste side.

Betre kvalitet gjeld det de lastar opp frå då av. Vi kan ikkje gjere gamle bilete skarpare, for dei større filene blei aldri lagra.

Kva skjer når lagringa blir full

Ingenting forsvinn. Når det er lite plass att, får redaktørane ein beskjed om det. Er lagringa heilt full, får de ikkje lasta opp meir, og alt anna fungerer som før: innlegg, arrangement, svar og kommentarar. De kan slette noko for å få plass, eller betale for meir.

Frittståande arrangement

Eit arrangement du lagar utan ei gruppe, som ein bursdag eller ein dugnad, er alltid gratis. Det har si eiga lagring på 500 MB og blir aldri fakturert.

Invitasjon på SMS

I eit frittståande arrangement kan du sende invitasjonen som tekstmelding til dei som står med eit telefonnummer. Det kostar 3 kr per utsending pluss 1 kr per mottakar, så ti mottakarar kostar 13 kr. Du betalar med Vipps eller kort (med kort minst 10 kr), og går ingen av meldingane ut, betalar du ingenting. Ingen andre får nokon gong ei tekstmelding frå kauke.

Korleis de betaler

De får faktura frå Steinholm Software, som driv kauke, og betaler for eitt år om gongen. Det blir ikkje fornya av seg sjølv: vi sender ein ny faktura når året nærmar seg slutten, og vel de å la vere å betale, går gruppa tilbake til gratisplanen med innhaldet i behald. Sjå salsvilkåra for det formelle.

Vi slettar aldri innhaldet dykkar fordi ein faktura er ubetalt.

Kom i gang

Set opp gruppa på gratisplanen først. Treng de meir plass seinare, seier de frå på kontakt@kauke.no.